Wëllkomm bei der Maison Platz

Gegrënnt vum Antoine PLATZ a senger Fra Caroline WIROTH kann d' "Maison Platz", fréier "Firma Antoine Platz", als ee vun den eelsten Pompes Funèbres zu Lëtzebuerg ugesi ginn. Deemools war d’Geschäft virun der Entrée vum Groussherzoglechen Palais, den Atelier war hannert engem Haus an der rue de la Boucherie, wou de Musée am Moment ass. Et gouf en neit Kapitel vun der "Firma Antoine Platz" ugeschloen. Bis ewell war et üblech, datt d'Famill am Doudesfall bei de Schräiner gaangen ass, fir eng Lued op Mooss gemaach ze kréien. D'"Firma Antoine Platz" war den éischten Pompes Funèbres am Groussherzogtum Lëtzebuerg, deen Doudelueden am viraus gebaut huet an soumat ëmmer en Depot vun Lueden zur Verfügung hat.

D' "Firma Antoine Platz" gouf vum Jong Paul PLATZ mam Schreiwgeschäft zesummen iwwerholl a gouf dunn ëmbenannt an "Paul Platz sinc". D' Läicheween waren deemools eng Päerdskutsch.

D'Firma "Paul Platz sinc" huet d'Päerd duerch den éischten Autoshär vun der Mark Buick ersat.

Zwee Jonge vum Paul PLATZ sen., Pierre a Paul PLATZ, hunn d'Firma vun hirem Papp iwwerholl. Den Numm vun der Firma ass op "Pierre et Paul Platz" geännert ginn. Dank hirer 24-Stonnen Disponibilitéit, 7 Deeg an der Woch, konnten déi zwee Jongen d'Firma "Pierre et Paul Platz" iwwer d'Grenzen vu Lëtzebuerg eraus bekannt maachen an d’Firma genéisst nach haut en exzellente Ruff. Lues a lues sinn d'Begriefnesdekoratioune vun Haiser a Kierchen verschwonnen an eng nei Form vu Begriefnis gouf agefouert

Nom Doud vu sengem Brudder Paul PLATZ huet de Pierre PLATZ d'Firma Maison PLATZ sàrl genannt.

Nom onerwaarten Doud vum Pierre PLATZ hunn d'Edem vum Pierre a Paul PLATZ de Betrib iwwerholl. De Carlo GRAUL mat senger Fra Marie-Paule PLATZ, an de Georges DIRKES mat senger Fra Anni PLATZ, hunn vun elo un d'Betreien vun Clienten mat engem grousse Choix un Lueden an Urnen iwwerholl. Déi administrativ Schrëtt an all Formalitéiten goufen, wann d'Famill vum Verstuerwenen dat wollt, vun der Maison Platz gehandhaabt. Et gouf och eng Erhéijung vun der Unzuel un Rapatriementer a Portugal an Italien.

Déi 5.Generatioun, Thierry GRAUL a seng Fra Joëlle ANEN, hunn elo zesummen mat hirer Equipe iwwerholl. De Fuerpark vun den Läicheween gouf erneiert a vergréissert. D' "Maison Platz" zielt ëmmer nach traditionell zwee amerikanesch Ween zu hirem Fuerpark.

D' "Maison Platz" feiert hiren 110. Gebuertsdag. Lued eis Brochure erof fir déi komplett Geschicht vun der Maison Platz duerch vill Fotoen vun fréier an haut ze erliewen.
Broschür eroflueden

Haut hellt en Begriefnes ëmmer méi nei an aner Formen un. Sou kënne mir eng Verstreeung vun den Äschen um Mier ubidden, d'Begruewen vun den Äschen op engem Bëschkierfecht oder souguer Transformatioun vun Äschen oder Hoer an en Diamant. Eng Neiegkeet vun der "Maison PLATZ" ass zanter Dezember 2022 deen éischten reng elektreschen Läichewon vun der Mark Tesla am Grand-Duché. Onverännert iwwer d'Joren bleift awer den alldeegleche Kontakt mam Doud, d'Trauer vun de Familljen, an d'Onverständnis vun den Hannerbliwwenen vis-à-vis vum Doud vun engem Familljemember oder léiwe Mënsch. 5 Membere vun der aktueller Equipe vun der "Maison PLATZ" hunn bei der "VDT Deutsche Einbalsamierer e.v" eng speziell Formatioun am Opbereeden vun Verstuerwenen ofgeschloss. Dëst erlaabt eis, wann néideg, Make-up a Kierperfleeg Servicer fir eng verstuerwen Persoun unzebidden. Déi ganz Equipe vun der Maison PLATZ garantéiert Verständnis, Diskretioun a Professionalitéit am Déngscht vun de Familljen.